好多人聽到[精品酒店]同[汽車旅館],第一時間會諗起爆房,炮房同爆房💦💦💦 - 曾經有一個講法係汽車旅館嘅興起係因為好多有錢人想去偷情嘅時候,揸車去到酒店俾人發現架車停咗係停車場而被揭發.業界萌生左一個念頭,就係設計成車輛可以直接駛入車庫嘅房間,成為當時既汽車旅館. - 隨着時代嘅變遷,汽車旅館已經唔係專For爆房用嘅.裏面可以有好大嘅游泳池,按摩池,卡拉OK房,私人花園.用更平嘅價錢可以享受到一般商務酒店住唔到嘅面積,設施. - 今次介紹嘅係一間喺台中嘅汽車精品旅館-天韻. 台中既汽車旅館一向都好出名.天韻位於台中市西屯區.位置比較適合揸車去. - 房間用S,M,L,XL,KTV黎區分,小弟今次入住既係XL房形.用我既評分標準,依間野可以去到五星.有室外花園,浴缸有強力按摩水柱.床又軟熟(我冇收錢架,但堅舒服😂) - 重點係佢個早餐係送到你房門口,然後房內嘅指示燈會着起,你就出門口攞,咁你就唔使見到服務員啦.酒店早餐黎講佢算好味. - 講返價錢,我住既依間都千鬆啲,同一般商務酒店比可能$500搞得掂,但如果你係想舒舒服服度下㗎嘅話,抽一晚出嚟住間好啲嘅,都可能係一個唔錯嘅選擇🤔 - #hkig #iseetaiwan #instagood